ރ. އުނގޫފާރުން ހާލުބޮޑު އަންހެނަކު އެމް.އެން.ޑީ.އެފް ނޮދަން އޭރިޔާގެ ކޯސްޓްގާޑް ސްކޮޑްރަންޓުން މިއަދު މާލެ ގެނެސްފިއެވެ.

މިހާދިސާގެ މަޢުލޫމާތު އެމް.އެން.ޑީ.އެފް ނޮދަން އޭރިޔާއަށް މިއަދު މެންދުރު 12:50 ހާއިރު ލިބުމާއި ގުޅިގެން އެމް.އެން.ޑީ.އެފް ނޮދަން އޭރިޔާގެ ކޯސްޓްގާޑު ސްކޮޑްރަންޓުން ކޯސްޓްގާޑް ޝިޕް ނުރައްދީން ލޯންޗް ރ.އުގޫފާރަށް ދިއުމަށްޓަކައި ވަގުތުން ފުރުވާލާފައެވެ. ކޯސްޓްގާޑް ޝިޕް ނޫރައްދީން މިއަދު މެންދުރުފަހު 13:45 ހާއިރު ރ.އުނގޫފާރަށް ގޮސް ހާލުބޮޑު އަންހެންމީހާ ކޯސްޓްގާޑް ޝިޕް ނޫރައްދީންއަށް ނެގުމަށްފަހު މިއަދު އިރުއޮއްސި 18:50 ގައި މާލެ ގެނެސް އެމްބިއުލާންގައި (އައި.ޖީ.އެމް.އެޗް) ހޮސްޕިޓަލަށް ވަނީ ގެންގޮސްފައެވެ. މިހާދިސާގައި މާލެ ގެނެސްފައި ވަނީ ރ.އުނގޫފާރު ތުޅާގިރި ރަޒިއްޔާ އަބްދުއްރަހީމް ( 53 އަހަރު )އެވެ. މިއަންހެން މީހާ މާލެގެނެސްފައި ވަނީ މީނާއަށް ސްޓްރޯކެއްޖެހި ހޭނާރާ އެމެޖެންސީ ހާލަތަށް ދިއުމާއިގުޅިގެން ރ.އުނގޫފާރު ހޮސްޕިޓަލުން އެމް.އެން.ޑީ.އެފް ކޯސްޓްގާޑުގެ އެހީތެރިކަމަށް އެދުމުންނެވެ. މިއަންހެން މީހާ މާލެގެންސް އައި.ޖީ.އެމް.އެޗް ހޮސްޕިޓަލަށް ގެންދިޔަ އިރުވެސް ހޭނާރާކަމަށް ކޯސްޓްގާޑުން ހަބަރުދެއްވިއެވެ.