ޢަންމާ ފޮތް 
ޙިދުމަތުގެ ބެޖްތައް
މެއިން މެނޫ
އެމް.އެން.ޑީ.އެފްގެ ލޯއްޗެއްގައި މިއަދު ހެނދުނު އަލިފާނުގެ ހާދިސާއެއް ހިނގައި ސިފައިންގެ މީހަކަށް އަނިޔާވެއްޖެއެވެ.
2009-12-31
މިއަދު ހެނދުނު 8:45 ހާއިރު އެމް.އެން.ޑީ.އެފް 58 ނަންބަރު ލޯންޗުގައި ހިނގި މިއަލިފާނުގެ ހާދިސާގައި އަނިޔާ ލިބިފައިވަނީ އިލެކްޓްރިކް އެންޑް މެކޭނިކަލް އިނޖިނިއާސްގައި މަސައްކަތްކުރައްވާ ބޭކަލެއްކަމުގައިވާ ލާންސް ކޯޕްރަލް ޢަބްދުއް ރަޙުމާން ފަޒީލްއަށެވެ. މިހާދިސާގައި ލާންސް ކޯޕްރަލް ފަޒީލްގެ އެއް އަތާއި އެއް ފައި ވަނީ ފިހިފައެވެ.
މިއަލިފާނުގެ ހާދިސާ ހިނގައިގެން އުޅޭ ކަމުގެ މަޢުލޫމާތު ފަޔަރ އެންޑް ރެސްކިޔު ސާރވިސްއަށް ލިބުމާއި ގުޅިގެން އެސާރވިސްގެ ފަޔަރ ޓީމެއް އެސަރަހައްދަށް ވަނީ ގޮސްފައެވެ. ފަޔަރ އެންޑް ރެސްކިޔު ސާރވިސްއިން މަޢުލޫމާތު ދެއްވިގޮތުގައި މިއަލިފާނުގެ ހާދިސާ ހިނގަން މެދުވެރިވީ ލޯންޗުތެރޭ ބެޓްރީ ޝޯޓެއް ވެގެން ޕެޓްރޯލް ޓޭންކްގައި އަލިފާން ރޯވެގެންކަމަށް ލަފާކުރެވޭއެވެ. ކަޅުތުއްކަލާކޮށީ ފުރަގަހުގައި އަޅާފައި އޮތް މިލޯންޗުގައި ރޯވި އަލިފާން ނިއްވާލާފައިވަނީ ލޯންޗުގައި ހުރި ޑީ.ސީ.ޕީ އަލިފާންނިވިއެއް ބޭނުންކޮށްގެން އެލޯންޗުގައި ތިއްބެވި ސިފައިންގެ ބޭކަލުންނެވެ.
މިހާދިސާގައި އަނިޔާ ލިބުނު ލާންސް ކޯޕްރަލް ފަޒީލް ފަޔަރ އެންޑް ރެސްކިޔު ސާރވިސްގެ އެކޯ 61 އެމްބިއުލަންސްގައި އައި.ޖީ.އެމް.އެޗަށް ގެންގޮސް މިހާރު ގެންދަވަވަނީ ފަރުވާދެމުންނެވެ.
އެހެނިހެން
އަލިފާނުގެ ޙާދިސާތައް
ކަނޑުމަތީ ޙާދިސާތައް
- މާލެ އައުމަށް ދަތުރުކުރަމުން ދިޔަ ބޯޓަކުން ބަނގްލަދޭޝްގެ ރައްޔިތަކު ގެއްލިގެން ހޯދަންފަށައި.
- ''މެންގޯ'' ނަމަކަށްކިޔާ ދޯންޏެއް ވިލިވަރު ބިޔާދޫ ރިސޯޓް ކުރިމަތީގައި އޮތް ފަރަކަށް އަރައިފި.
- ނ.ވެލިދޫން ހާލުބޮޑު ބަލިމީހަކު އެމް.އެން.ޑީ.އެފް ނޮދަން އޭރިޔާގެ އެހީތެރިކަމާއެކު ޅ. ނައިފަރު ހޮސްޕިޓަލަށް ގެންގޮސްފި